يامطول الغيبات وش ذنب الاجفـان
...........تشكي لجمر الهجر بعـد الموانـي
تغيرت بعـدك مقاييـس الازمـان
...........حتى الثواني دهـر ماهـي ثوانـي
في غيبتك كني للاحـزان سلطـان
...........وكن السعاده شعبي اللي عصانـي
أحزان اودعهـا وتلفينـي احـزان
...........لاراح وفدٍ زارنـي وفـد ثانـي
ويحيط بي من كل هاجوس يقظـان
...........يمنع عن عيوني الكرى لو غزانـي
وشلون اقول النوم سلطان اذا كـان
...........النـوم متوطيـه هـمٍ وطانـي
ياصاحبي ماجاش في صدري اشجان
...........ولا خفـق قلبـي وهـز المحانـي
الا لخوفي لاتكـون انـت نسيـان
...........عهدٍ مضى واحلامنا والأمانـي
تدري بدونك شارد الفكـر حيـران
...........مااغروا عيوني المترفات الغوانـي
ياما تمنيتك تجـي طيـف ندمـان
روتمد لي كف اعتـذارٍ نسانـي
ترى الندم توبـه ويعقبـه غفـران
...........وان خفت ربك فـيّ تعـرف مكانـي
شعر_ملاك الشوق ارحو انا ينال اعجابكم
